Sápmi Business Conference 2024 oktavuođas ovdanbođii dárbu bistevaš sámi gávpe-, ja ealahus fierpmádagas dahje organisašuvnnas. Sápmi Business Arena lea leamašan norggabeal, Ovddos fitnodagas, Guovdageainnu suohkanis prošeakta ovddidit sámi ealahussuorggi, muhto prošeakta ruhtadeapmi nogai 2024.
Chamber of commerce’at barget miellahttuid ovddas ovdamearka dihte márkanastimiin sihke našunála ja internašunála dásis. Diehtujuohkin ja aktiiva márkanastin sámi buktagiid ja bálvalusaid birra olguriikkas sáhtašii loktet sámi buktagiid árvvu ja geasuhit ođđa márkaniid ja ovttasbargu vejolašvuođaid sidjiide geat háliidit stuoridit fitnodagaid. Báikkálaččat sámis sáhtášii dakkár vuolggahus maid čajehit sámi fitnodagaid ja birgejeaddjiid viiddisvuođa ja man dehálaš ja stuora oassi sámi-guovllu ealahussuorggis sápmelaččat ja sámi kultuvra lea.
Sámiid Riikkabellodat evttoha:
- Ahte Sámediggi bargá dan ovdii ahte Sámi gávpegámmir ásahuvvo.
- Ahte Sámediggi bargá sihkkarastit ruhtadeami sámi gávpegámmira álggaheapmái.
- Ahte Sámediggi doarju Sápmi Business Arena barggu viidásit bargat sámi gávpegámmira ásaheamin.
Saemiejrijhken Krierrie,
Káren-Ann Hurri